La fiŝeto
Originala titolo: Рыбка
Reĝisoro, scenaristo,
animaciisto, sonregistristo: Сергей Рябов (Sergej Rjabov)
Platfigura animacio, Betacam-SP, 9 minutoj 30 sekundoj, 2006.
La filmo partoprenas konkursan programon de festivalo Suzdal-2007.
Mondo de eta infano estas mirinda kaj kompleksa. Malgranda evento en lia vivo povas estiĝi reala tragedio, kaj bonkoreco kaj varmo de infana animo povas fari miron… eĉ vivigi fiŝeton.
De la tradukinto. Miroj. Jes, miroj okazas en ĉi tiu filmo, kaj ĝi mem estas miro. Mi devas konfesi, ke kiam mi spektis ĝin unuan fojon, ĝi igis min plori, ĉar ĝi estas bonega enkorpigo de tiu humanismo, pro kiu papo Johano Paŭlo la Dua rekomendis eduki infanojn per rusiaj animaciaĵoj. Eblas serĉi en ĝi religiajn motivojn - ja ne hazarde ĉi tie estas fiŝo… Sed ankaŭ eblas simple ĝui ĉi tiun filmon. Ĉio, montrita en ĝi, estas tiel konata: malgranda domo sur rando de urbo, kovrita de neĝo korto kun ludplaceto… Komentantoj de la filmo ĉe Rambler Vizion asertas unuamine, ke ili kvazaŭ revenis en sian infanecon.
Saluton,
Tiu filmo ” la fisxeto ” tre placxis al mi! gxi estas belega!
Mi rigardos la aliajn…
Amike, jxo
Comment by jxo — July 29, 2007 @ 1:26 pm